Home » Teknologji » Tastiera Google Gboard tashmë përkthen tekstet në 103 gjuhë të botës

Tastiera Google Gboard tashmë përkthen tekstet në 103 gjuhë të botës

Nëse përdorni tastierën e Google Gboard në iOS, tashmë mund të përktheni nga të gjitha gjuhët e mbështetura në Google Translate.

Në këtë listë të 103 gjuhëve të mbështetura gjendet edhe gjuha shqipe. Përdoruesit mund të shkruajnë dhe të përkthejnë në të njëjtën kohë për çdo gjë që mbështet Google Translate direkt nga iPhone.

Funksioni i shumëpritur është tejet i vonuar. Diçka e tillë është e disponueshme në Android që nga 2017.

Me versionin 1.42 të Gboard është shtuar edhe në iPhone dhe iPad që kanë të instaluar iOS 9 ose më shumë. Ndërsa shkruani, do të merrni sugjerime të përkthimit në shiritin mbi tastierë ose të shtypni butonin Google.

Aplikacioni automatikisht gjurmon gjuhën që po shkruani dhe ju lejon të zgjidhni atë që dëshironi të përktheni. Përdoruesit do të lejohen të ngjisin tekstin e kopjuar dikur dhe ta përkthejnë në një prej gjuhëve të mbështetura.

Përveç funksionin të përkthimit, Gboard ofron mbështetje për 685 gjuhë të ndryshme. Gboard është i përshtatur me funksionet e korrigjimit automatik dhe tekstit parashikues për secilën prej gjuhëve. /PCWorld Albanian

The post Tastiera Google Gboard tashmë përkthen tekstet në 103 gjuhë të botës appeared first on PCWorld Albanian.


(ICT Media)

About Bruno Sholla

Check Also

Antivirusi Windows Defender vjen në macOS

Ditën e sotme Microsoft njoftoi se antivirusi Windows Defender tashmë do të mbërrijë edhe në ...