16 December 2017
Home » Teknologji » Përditësimet e Tetorit në Windows 10 shkaktojnë ekranin blu të vdekjes

Përditësimet e Tetorit në Windows 10 shkaktojnë ekranin blu të vdekjes

Një problem në mënyrën sesi Microsoft publikoi përditësimet e sigurisë për muajin Tetor bëri që kompjuterët dhe serverët e ca përdoruesve të shfaqnin ekranin blu të vdekjes e madje të mos ri-ndizeshin fare.

Përditësimet dedikuar Windows 10 1703, Windows 10 1607 dhe Windows Server 2016 shkaktuan probleme në një mori konsumatorësh biznesi por edhe individualë.

Përditësimet që shkaktuan probleme ishin KB4041676 dhe KB4041691. Në të vërtetë nuk janë përditësimet që duhen fajësuar por Microsoft i cili aksidentalisht publikoi përditësimet grumbulluese (Cumulative) dhe Delta njëherazi.

Përdoruesit duhet të aplikojnë vetëm përditësimet grumbulluese dhe jo Delta. Ata duhet të pastrojnë depon e Windows Server Update Services (WSUS) në mënyrë që përditësimet delta të mos shfaqen.

Ankesat kanë qenë të shumta në forumet e Microsoft ku njëri prej konsumatorëve shprehej shpërndante përditësimet për 5,500 klientë dhe pas përditësimit të parë në Windows 10 1703, të gjitha sistemet treguan një ekran blu të vdekjes. /PCWorld Albanian

The post Përditësimet e Tetorit në Windows 10 shkaktojnë ekranin blu të vdekjes appeared first on PCWorld Albanian.


(ICT Media)

About Bruno Sholla

Check Also

Microsoft lançon versionin zyrtar të rivalit të Twitch, aplikacionin Mixer

Në Tetor Microsoft publikoi një version beta të aplikacionit të ridizajnuar Mixer në iOS dhe ...