16 December 2017
Home » Teknologji » Heqja e tarifave roaming në BE hap debate mbi të ardhmen e këtij projekti

Heqja e tarifave roaming në BE hap debate mbi të ardhmen e këtij projekti

Reuters – Tarifat roaming brenda Bashkimit Evropian ranë ditën e Enjte, duke i dhënë fund një beteje prej mese një dekade të Brukselit për tu treguar Europianëve skeptik se ekziston një kontribut i pazëvendësueshëm i unionit në jetët e secilit prej tyre.

Por pavarësisht emocionit që ngjalli ky lajm, kompani telekomunikacioni dhe vende anëtare po refuzojnë të ofrojnë frekuencat e tyre kombëtare duke lënë të zhgënjyer shumë prej atyre që do të kryejnë pushimet jashtë vendit.

Heqja e praktikave të tarifimit të shërbimit në kosto të larta saherë që përdoruesit udhëtojnë jashtë vendit, ka qenë një kauzë e Komisionit dhe Parlamentit Evropian dhe shihet si hapi i parë i suksesshëm drejt Tregut të Vetëm Dixhital.

“Bashkimi Evropian do të bashkojë njerëz dhe tua lehtësojë jetën. Fundi i tarifave roaming janë histori e vërtetë Evropiane e suksesit,” thanë institucionet Evropiane.

Komisioni shpalosi një baner fitoreje në zyrat qendrore Berlaymont ku shkruhej, “Lamtumirë tarifave roaming.”

Ndryshimi ligjor i nevojshëm i miratuar muaj më parë ngjalli entuziazëm tek shumë vizitorë në Bruksel. Zgjidhja ka qenë e vështirë. Sidomos duke pasur në konsideratë faktin se tarifat lokale ndryshojnë në mesin e 28 vendeve anëtare.

Vendet e Evropës Veriore frikësohen se tarifat e larta që do të paguajnë për shërbimet me shumicë për udhëtarët e tyre në Evropën Jugore kombinuar me humbjet e të ardhurave roaming mund të çojë deri në ndalimin e përdorimit të telefonit jashtë vendit.

Për të rikuperuar humbjet, ata mund të rrisin çmimet lokale të shërbimit. Sakaq qeveritë e vendeve të Evropës Jugore argumentojnë se kostot e ulëta të shërbimeve me shumicë dëmtojnë operatorët lokalë.

Operatorët e vendeve skandinave si Telia në Suedi, Estoni dhe Lituani kanë aplikuar për përjashtim nga ky obligim, diçka që Bashkimi Evropian e lejon nëse dëmi i shkaktuar është 3% e të ardhurave.

Credit Suisse palajmëron se hyrja në fuqi e “Roam Like Home” do të rrise tarifat mes 2% deri në 5% në mbarë Evropën.

Megjithatë është shumë herët për të mësuar se kush janë humbësit e kush fituesit. /PCWorld Albanian

The post Heqja e tarifave roaming në BE hap debate mbi të ardhmen e këtij projekti appeared first on PCWorld Albanian.


(ICT Media)

About Bruno Sholla

Check Also

Microsoft lançon versionin zyrtar të rivalit të Twitch, aplikacionin Mixer

Në Tetor Microsoft publikoi një version beta të aplikacionit të ridizajnuar Mixer në iOS dhe ...