20 February 2018
Home » Teknologji » Bastisen nga policia zyrat e OneCoin në Bullgari, konfiskohen dokumente dhe serverë

Bastisen nga policia zyrat e OneCoin në Bullgari, konfiskohen dokumente dhe serverë

Zyrat qendrore të OneCoin në Sofje u bastisën nga Policia në datat 17 dhe 18 Janar. Pavarësisht se serverët janë fikur, OneCoin ende vijon të qëndrojë operacional.

Bastisja erdhi me kërkesë të prokurorisë Gjermane të Bielefeldit dhe u realizua nga agjencitë ligjzbatuese Bullgare dhe autoritetet policore të Bashkimi Evropian.

Themeluesja e OneCoin me origjinë Bullgare Ruja Ignatova mban shtetësi gjermane.

OneCoin, një monedhë e cila promovon vetveten si një model i centralizuar me në fokus sigurinë por nuk mund të cilësohet si monedhë kriptografike për tre arsye: nuk është e decentralizuar, nuk funksionon me softuerë me burim të hapur dhe nuk ka një regjistër publik.

Dokumentet dhe serverët u konfiskuan nga One Network Services, një kompani Bullgare e cila shërben si përfaqësues dhe distributor i OneCoin dhe 14 kompanive të tjera.

50 vetë u morën në pyetje ndërsa ende s’ka pasur arrestime. Kompania është e regjistruar zyrtarisht në Emiratet e Bashkuara Arabe.

Në Maj të 2017-ës një përfaqësues i OneCoin u arrestua në Kazakistan ndërsa 23 të tjerë në Indi. OneCoin shihet nga autoritetet si një skemë piramidale.

Në Gusht të 2017-ës Autoritetet Italiane gjobitën OneCoin me 2.6 milion euro duke e cilësuar si një skemë ponzi. /PCWorld Albanian

The post Bastisen nga policia zyrat e OneCoin në Bullgari, konfiskohen dokumente dhe serverë appeared first on PCWorld Albanian.


(ICT Media)

About Bruno Sholla

Check Also

Facebook me kartolina do të pengojë ndërhyrjen e huaj në zgjedhje

Facebook tha se do të përdorë kartolinat, e dërguara përmes postës amerikane, për të parandaluar ...