Home » Teknologji » Amazon akuzohet për shitje të produkteve të falsifikuara

Amazon akuzohet për shitje të produkteve të falsifikuara

Prodhuesi gjerman i sandaleve, “Birkenstock”, ka akuzuar “Amazon” për shitjen e produkteve të falsifikuara.

“Është e vërtetë se “Amazon” ka fitime nga shitja e mallrave të falsifikuara”, tha drejtori i kompanisë gjermane, Oliver Reichard, duke shtuar se “Amazon” është për këtë arsye një bashkëpunëtor i shitjes së produkteve të falsifikuara.

Ai gjithashtu tha se “Birkenstock” prandaj vendosi të mos shesë produktet e tij nëpërmjet “Amazon”, deri në janar të vitit të ardhshëm.

“Amazon” hodhi poshtë akuzat, duke thënë se kishte ndaluar shitjen e mallrave të falsifikuara.

“Ne tërheqim të gjitha produktet që janë në kundërshtim me politikën tonë të shitjes dhe gjithmonë të marrim masat e duhura ndaj një shitësi të tillë”, tha “Amazon”.

Kompania gjermane, 250 vjet e vjetër, është e njohur për këpucët e saj jashtëzakonisht të rehatshme. Këpucët e saj shiten në 90 dyqane në mbarë botën si dhe online në internet. /Insajderi

The post Amazon akuzohet për shitje të produkteve të falsifikuara appeared first on PCWorld Albanian.


(ICT Media)

About Bruno Sholla

Check Also

Facebook do tu japë prioritet lajmeve nga burime “të besueshme”

Facebook lajmëroi javën e kaluar do tu japë pritoritet burimeve të besueshme të lajmeve në ...